Кама таңнары
+14 °С
Болытлы
Барлык яңалыклар
җәмгыять
2 июль 2019, 15:53

Үз куллары белән балалар мәйданчыгы

Үзеңнең һәм авылдашларыңның тормышын күңеллерәк итәр өчен күп тә кирәкми. Иң мөһиме, кулың оста булсын да, башың эшләсен.

Кыргыз авылында Әхтәриевлар урамга балалар мәйданчыгы эшләп куйган. Һәм барысы да кул астындагы әйберләрдән эшләнгән. Карусельнең үзәгенә трактор күчәре ярап куйган, ә утыргычларын машина тәгәрмәчләрен кисеп эшләгәннәр. Аннары торбаларын каенга охшатып буяп куйганнар – бик матур килеп чыккан. Меңләгән акча түгәсе дә юк!
Һәм болар барысы да - гаилә башлыгы, нефтьче Анатолий Апкадирович һәм аның тормыш иптәше Вера Григорьевнаның алтын кулларының җимеше.
Әхтәриевларның балалары таганда атыныр яшьтән күптән узган инде. Ә аларның балалары дүртәү. Әмма оныклары - кызлары Анжеланың балалары үсеп килә. Шуңа күрә картәтисе белән картәнисе яраткан оныкларына менә шундый бүләк ясарга булган.
Оныкларына гына да түгел. Бөтен Кыргыз авылы бала-чагасы карусельдә һәм таганда атынырга бирегә йөри.
Безнең арада менә шундый искиткеч кешеләрнең яшәве нинди яхшы!
Читайте нас: