"Алга" белән уңайлырак

Картага автобуста кондуктор аша, автовокзалда акча салып булмавы аеруча ачуын китерә халыкның. Моннан тыш, билетта калган сумма күрсәтелми.

«Башавтотранс» филиалы - Нефтекама пассажирлар автотранспорт предприятиесе директоры Альберт Нурисламов аңлатуынча, кешеләр «Алга»ның уңайлыгын ахырга кадәр бәяләп бетермәгән әле. Аның белән тере акча кирәкми. Ә картаны «Сбербанк-онлайн» кушымтасы аша яисә «Сбербанк», «Уралсиб», «Почта России» бүлекчәләрендә тулыландырырга мөмкин.

Ә инде транспорт картасының балансын белү юллары берничә:«Транспортная карта» – Золотая корона (Play Mapketта табарга була) мобиль кушымтасында карау; шәхси кабинетта; кондуктордан карату.