Нинди китап укырга яратасыз?

Китап яратучыларның тагын бер бәйрәме - Халыкара электрон китап көне бүген.

Электрон китап дигәнебез безнең тормышка күптән түгел генә үтеп керде. Шулай да үземнән яшьрәк танышларым арасында әледән-әле электрон китапханәләрен яңартып торучылар шактый гына.

Әмма мин үзем кәгазь китап укырга яратам. Аның үзенчәлекле исен, битләренең кыштырдавын яратам.

Ничек уйлыйсыз, электрон китап кәгазен әйләнештән кысрыклап чыгарырмы? Сез үзегез нинди китап укырга яратасыз? Соңгы укыган китабыгызның авторы кем?