Краснокамалылар бөтен республика белән гимн җырлады

Башкортстан гимнын бергәләп җырларга дип төгәл 17.30да "Ватан" паркында төрледән-төрле кешеләр җыелды. Шул ук вакытта флешмобка шәһәр һәм авылларда кушылдылар.

Николо-Березовкада кешеләр мәдәният йорты каршына җыелды. Йөздән артык кеше билгеле вакытта гимн башкарды.

Аннары концерт башланды. Көн болытлы, салкынча һәм җилле булса да, Республика көнен күңелле үткәрдек.