Иң кадерле, иң ягымлы кешеләр

Ноябрьдә без иң җылы һәм якты бәйрәмнәрнең берсен - Әниләр көнен билгеләп үтәбез. Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман.

Бәйрәм уңаеннан районда үткәрелгән чарада да аналарга багышлап бик күп җылы сүзләр әйтелде. Сүзләргә бүләкләр дә өстәлде. Бу көнне гаилә тормышларының юбилейларын билгелүче парлар да хөрмәтләнде. Быел районда 100нче сабыйны тудырган ханым да бүләкләнде.