Сәламәтлек сукмагы

(Радик Әхмәтханов)Иртә таңда, йокымнан аерып, Чакыра үзенә сәламәтлек сукмагы, Елның һәр мизгелен күреп, Яшәүгә таба атлыйм мин тагын.

Кешеләр дә монда итәгатьле,
Хәл сорашып, сәләм бирәләр.
Мохит бит үзе мәрхәмәтле,
Шуңа күрә нурлы иртәләр.

Кошлар сайрый өзеп үзәкне,
Таң чыгында алар коена.
Шифалы хис чорный йөрәкне,
Сихри наз күңелгә сыена.

Кышын кышлап, язын язлап,
Саф һавада үтә һәр көнем.
Җәен җәйләп, көзен көзләп,
Сихәт ала җаным һәм тәнем.

Читайте нас: