Кама таңнары
+18 °С
Болытлы
Барлык яңалыклар
җәмгыять
12 декабрь 2019, 10:59

101нче автобус дәваханәгә кадәр йөри башлармы?

Җәмәгать транспортыбыз бар икән (күп кенә район үзәкләрендә юк әле ул), ул күбрәк урамнардан узарга тиеш.

Озак еллар дәвамында редакциягә пассажирлар автобусын район дәваханәсенә кадәр йөртү мәсьәләсен күтәреп чыгуыбызны сорап килүчеләр булды. Бу тәү чиратта картлар, авырулар өчен кирәк. Ләкин йөк һаман да урынында - автотранспортчылар, хәтеремдә, ул чакта автобуска борылырга урын юклыкка сылтанды.
- Монысы юк сәбәп кенә булгандыр. Бу сөйләшүләрне мин дә хәтерлим. Юл ремонт-төзелеш идарәсендә эшләгәндә без хәтта тукталышларны билгеләгән идек, - диде Николо-Березовка авыл биләмәсе башлыгы Масрель Сотланов.
Ә план шундый булган: автобус Төзүчеләр урамы буйлап керә, Карл Маркска борыла һәм үзәккә баручы пассажирларны төшерә. Аннары дәваханә янында туктый - анда урын җитәрлек; Октябрь урамы буйлап чыга, чөнки ул башка урамнардан киңрәк, анда да тукталыш куярга планлаштырган булганнар. Аннары автобус әлеге вакытта «Кама» кафесы (ул вакытта юк иде әле) урнашкан җирдә туктарга һәм Бакча яисә Яшьләр урамы буйлап Юл урамына чыгарга, соңгы тукталышка кадәр барырга һәм кире юлда әлеге маршрут буенча – мәктәпкә, элеккеге хәрби комиссаратка тукталып – чыгарга тиеш булган.
Барысы да дөрес планлаштырылган бит! Җәмәгать транспортыбыз бар икән (күп кенә район үзәкләрендә юк әле ул), ул күбрәк урамнардан узарга тиеш. Ә безнең 101нче маршрут 40 ел элек ничек бер юлдан йөргән, һаман да шулай файдасыз йөрүен дәвам итә. Ә бит авыл үсте, киңәйде. Дәваханәдән соң тулы микрорайоннар калкып чыкты. Анда яшәүчеләргә үзәккә килүе авыр. Әмма иң мөһиме – автобус авыруларны дәваханә капкасына кадәр китерсә, дәваханәгә килүче кешеләргә уңайлы булыр иде.
Читайте нас: