Һәрчак ярдәмгә ашыгалар

Бу көнне районда янгын сүндерү техникасы парады оештырылды. Ә болар янгын сүндерүнең заманча чаралары белән җиһазланган биш автомашина.

Автотехника паркы яңартыла. 83нче санлы янгын сүндерү часте быел бер машина алды. Янгын сүндерү техникасы парадына чакырылган Николо-Березовка мәктәбе укучылары нәкъ шул машина янында бөтерелде дә инде.

Кырый ишеге сандык кебек ачыла, ә машина стенасында – чүкечтән башлап янгын җиңсәсенә кадәр махсус җайланмалар.

Парадтан соң бәйрәм балалар сәнгать мәктәбенең актлар залында дәвам итте – анда эшләрендә башкалардан аерылган коткаручыларны котладылар.