Журналистикага очраклы гына килдем

Мин тумышым белән Илеш районын­нан. Журналистикага очраклы гына килдем. Беренче балабыз тугач гаиләбез белән икенче шәһәргә күчендек. Де­крет ялыннан соң рус теле һәм әдәбияты укы­тучысына, кызганычка каршы, ә бәлкем инде бәхетемәдер дә, эш табылмады. Ахирәтем телевидениегә чакырды. Шуннан, 2001 елдан башлап, мәктәпкә тәки кире кайтмадым.

Район гәзите редакциясендә эшләвемә быел тугыз ел тула инде. Текстлар язам, ә документлар һәм от­четлар белән эшне баш мөхәррир белән бергә алып барабыз.