Кама таңнары
+24 °С
Ачык
Барлык яңалыклар
җәмгыять
16 гыйнвар 2020, 16:48

Махсус олимпиадада җиңделәр

10-11 гыйнварда «Раздолье» психо-не­врология интернатының кызлар команда­сы чаңгы ярышлары һәм кар чаналарында йөгерү буенча сәламәтлек мөмкинлекләре чикләнгән кешеләр өчен Махсус олимпиаданың республика спартакиадасында катнашты.

Беренче булып кар чаналарында йөгерү булды. Ярыш йомгаклары буенча 200 метрга йөгерү буенча кызлар арасында безнең командадан Его­рова Евгения – 1 дивизионда икенче, Киселева Алеся - 2 дивизионда беренче, Хафизова Гөлнара 2 дивизионда дүртенче урынны алды.
100 метрга кар чаңгысында йөгерүдә Шарова Марина 2 дивизионда өчен урынга иреште.
Спартакиаданың икенче көнендә безнең кызлар 500 метрга һәм 4х500 эстафетасында чаңгыда узышты. Нәтиҗәдә безнең Егорова Ев­гения 1 дивизионда беренче урынга ия булды. Ха­физова Гөлнара - 1 дивизионда икенче, Киселева Алеся - 1 дивизионда өченче, Шарова Марина 2 дивизионда дүртенче урын алды.
Хатын-кызлар арасында чаңгы эстафетасында безнең команда лаеклы беренче урынны яулады. Ике көн дәвам иткән Спартакиада нәтиҗәләре буенча команда икенче урынга чыкты.
Спартакиада йомгаклары буенча Егорова Ев­гения, Хафизова Гөлнара һәм Киселева Алеся Төмән өлкәсендә үтәчәк чаңгы ярышларында катнашу өчен җыелма республика командасы составына керделәр.
Читайте нас: