ХЕЗМӘТЛӘРЕН КИҢӘЙТӘ

Үзәк җитәкчесе Светлана Вәсфиева моны кешеләрнең күбесе цифрлы технологияләрне үзләштерүләре һәм хезмәтләрне «Дәүләт хезмәтләре» порта­лы аша алулары белән аңлата. Белгечләр үзләре дә клиентла­рына бу эштә ярдәм итә – залда порталга керү мөмкинлеге бул­ган компьютер тора.

Былтыр көз күп функция­ле үзәкне ремонтладылар, һәм ул «Минем документларым» системасының бар атрибутла­рын да алды. Электрон чират барлыкка килде, залда дәүләт пошлинасын түләр өчен бан­комат урнаштырылган. Биредә хәзер уңайлы һәм матур. Ә әлеге хезмәтнең өстенлекләрен район халкы күптән бәяләгәндер инде, мөгаен, күп функцияле үзәк аша документларны алу тизрәк тә, җиңелрәк тә.

Биредә белгечләр 200дән ар­тык төр хезмәт күрсәтә. Иң күп сорау белән кулланылганы – Рос­реестр хезмәтләре: сатып алу, сату, алыштыру һәм күчемсез милек белән башка гамәлләр. Барлык документларның 37,6%ы шуларга туры килә.

Күп функцияле үзәкнең нәтиҗәле эшләвенең күрсәткече булып көтү вакыты тора. 2018 елда көтү вакыты 8,5 минут бул­са, быел ул - 3,17 минут.