Аның иң курыкканы – умарта корты

Бүген атлар турындагы фактларны бераз барлыйк әле. Сез аның басып йоклавын белсәгез дә, көньяк индеецлары телендә “Оквилаупаракламарукоаллунакланата” дип йөртелүен белмисездер әле.

Ат сәгатенә 60 километр тизлек белән чаба һәм 2,5 метр биеклеккә сикерә ала. Ул күз, борын, ирен, ияк, колак тирәсендә урнашкан озын төкләре ярдәмендә сизә.

Ат якыннан яхшы, ерактан начар күрә. Алда, артта, уңда, сулда, аста, өстә нәрсә барын тигез дәрәҗәдә яхшы күрә. Кояш яктысы аның күзен чакмый.

Атның иң курыкканы – умарта корты. Әгәр берьюлы дистәләгән бал корты һөҗүм итсә, ат үләргә мөмкин.

Фото: https://pixabay.com/ru/