Малларны кышлатуны бүгеннән кайгырталар

Мал азыгы хәзерләү белән беррәттән хуҗалыклар терлек биналарын ремонтлауны башларга әзерләнәләр – сыерлар җәйге лагерьлардан кайтканчы өлгерергә кирәк.

Ә менә «Алга» токымчылык заводында малларга тиешле квадрат метрларны арттырырга булганнар – Кирәмәт фермасында сыерларга ангар төзиләр.

Беренчедән, малларны карау шартлары Редькино фермасында үзгәрәчәк – быел кыш анда савылмаган сыерларны гына асрарга ниятлиләр. Сөтүткәргече булмаган бердәнбер фермада эшне шулай җиңеләйтергә булган хуҗалык белгечләре.

Ә менә савым сыерлары Кирәмәт фермасына күчәчәк.

Моннан тыш, Кирәмәт фермасы территориясендә ангар төзи башлаганнар - 1,5 мең квадрат метрлы урында сөт ташлаган сыерларны асраячаклар.