Кама таңнары
+18 °С
Болытлы
Барлык яңалыклар
авыл хуҗалыгы
20 декабрь 2019, 16:25

Үзебезнеке яхшырак

Республикада җитештерелгән азык-төлекне популярлаштыру­га юнәтелгән яңа проект башлана. Бу журналистлар, район хакимиятләренең БР Авыл хуҗалыгы ми­нистрлыгы сайтын мәгълүматлар белән ту­лыландыру өчен җаваплы белгечләренең БР Хөкүмәте Премьер-министры урынба­сары–авыл хуҗалыгы ми­нистры Илшат Фәзрахманов белән очрашуында билгеле булды.

«Башкортстанныкы – мода­да. Трендта бул!» чарасының программасы бай эчтәлекле иде. Башта ведомство фойе­сында Бөре сөт продуктлары һәм республикабызның авыл хуҗалыгы коооперативлары продукцияләре күргәзмәсе үтте. Бөре шәһәренең чын ке­фир, каймак һәм эремчегеннән тыш, төбәкнең төрле поч­макларыннан килүчеләр ат итен, Чишмә деликатесларын, Дәүләкән крем-балын һәм башкаларны тәмләп кара­ды. Биредә җитештерүчеләр үз продукцияләре турында сөйләде, җитештерүдә бары тик республикада үстерелгән табигый ингредиентлар­ны гына куллануларына, ә «химия»гә аларда урын юклы­гына басым ясадылар.
Чарада катнашучыларны Илшат Фәзрахманов сәламләде. Ул БР Авыл хуҗалыгы сайтында бер елга муниципалитетлар­дагы аграр тормыш турын­да 10 меңгә якын материал урнаштырылуын билгеләде: биредә күрсәткечләр, көндәлек мәшәкатьләр, кешеләр турында да бар. Боларның барысын да киңкүләм-мәгълүмат чарала­рында күреп булмый. Ә андый материаллар республиканың Авыл хуҗалыгы сайтына ку­елгач, иң яхшылары феде­раль аграр ведомствосы тас­масына да эләккән һәм төрле хәбәрдарлык чараларына та­ралган. Илшат Илдусович шул ук вакытта район гәзитләре журналистларын тагын да активрак булырга, урындагы продукцияне кайда һәм ни­чек җитештерүләре турын­да сөйләргә, үзенчәлекләрен билгеләргә, ә урындагы азык-төлекнең бар өстенлекләрен дә «Башкортстанныкы - мода­да» слоганына берләштерергә чакырды.
Аннары Илшат Фәзрахманов «Башкортстанныкы – модада. Трендта бул!» иҗат конкурсы турында игълан итте. Кон­курс барышында үзебездә җитештерелгән продукциягә, аны әзерләү процессына, аны эшләүче кешеләргә багыш­ланган иң яхшы мәкаләләр, социаль челтәрләрдәге по­стлар, электрон хәбәрдарлык чараларындагы мәгълүмат ма­териаллары, видеосюжетлар, фотосурәтләр сайлап алына­чак. Конкурс киләсе елның көзенә кадәр дәвам итәчәк, җиңүчеләр һәм призерлар «Безнең бренд» республика азык-төлек фестивале кыса­ларында кыйммәтле бүләкләр алачак. Эшләр 2020 елның 9 гыйнварыннан кабул ителә башлый.
Чарада шулай ук БР Матбу­гат һәм киңкүләм мәгълүмат чаралары буенча агентлык җитәкчесе Борис Мелко­едов, БР Авыл хуҗалыгын консультацияләү үзәге дирек­торы урынбасары Владимир Яковлев, танылган табиб-диетолог һәм блогер Регина Ахунҗанова (Регина Доктор), эшкуар һәм блогер Денис Өметбаев һәм «Интерфакс» мәгълүмат агентлыгының үз хәбәрчесе Гүзәл Галәветдинова чыгыш ясады. Семинарда кат­нашучыларга төбәктә авыл хуҗалыгы кооперациясенең үсеше, социаль челтәрләрдә мәгълүматны дөрес бирү, үз блогыңны алга этәрү һәм баш­калар турында сөйләделәр. Чара азагында БР Авыл хуҗалыгы бүлеге белән үзара килешеп эшләгән иң яхшы ун район бүләкләнде. Рейтинг лидерлары дипломнар алды. Шулай ук «Республиканың агросәнәгать комплексы эшен объектив яктырткан өчен» төбәк һәм федераль киңкүләм мәгълүмат чаралары журна­листлары дә бүләкләнде.
Читайте нас: