САБАКТАШЫМА

Радик ӘХМӘТХАНОВРәхмәт сиңа, сабакташым,Якты хатирәләрең өчен.Дәлилләде кабат язмышым,Тәүге сөюнең сихри көчен.

Бала чактагы хисләр - иң изгесе,

Аңладык шуны соңлап,

Синең күзләр – күңел көзгесе,

Үбәм аларны назлап.

Соңлап килде адашкан мәхәббәт,

Күп еллар тилмереп көтсәк тә.

Очрашуны кичектереп кабат,

Күрешә алмый озак йөрсәк тә.

Сихри мәктәп елларының

Син – иң назлы хатирәсе.

Синең серле күзләреңнең

Бәхетле чагын килә күрәсе.

Мөмкин булса, мәктәп елларына

Алып кайтыр идем сине җитәкләп.

Хәтер йомгагын салып алларыңа,

Сүтәр идек аны җентекләп.

Читайте нас:

Новости партнеров