Карлар ява

Ап-ак карлар бөтерелепЯва бүген урамда.Тышта нинди саф һава дип,Киләм әле буранда.

Битләремне кытыклатып

Төшә кар бөртекләре.

Кар бөртекләре төшкәнгә

Чылана керфекләрем.

Шау-гөр килеп бала-чага

Урамнарга йөгерә.

Чыгу белән кар әвәләп,

Кабарга да өлгерә.

Әй сөенеп уйный алар,

Шул карларны әвәләп.

Кар бәрешеп уйный-уйный,

Егылалар тәгәрәп.

Талгын гына кар яуганда

Яратамын йөрергә,

Сокланып шул табигатьнең

Гүзәллеген күрергә.

Аяк астында уралсын

Ак карлар бәхет булып.

Күңелләребез һәрвакыт

Торсын бәхеткә тулып.

Фәридә ШӘЙМОРАТОВА

Фото: социаль челтәрләрдән.

Читайте нас:

Новости партнеров