Акча күбрәк кергән

Район территориясендә 533 млн сум салым һәм салым булмаган керем җыелган, бу узган елга караганда 128 млн сумга күбрәк. Шуларның 12 млн сумы - федераль, 309 млн сумы – республика, 212 млн сумы урындагы бюджетларга җибәрелгән. Урындагы бюджетка җибәрелгән акча 2017 ел белән чагыштырганда 103,3% ка күбрәк булган. Салым җыю буенча план 103,3%ка үтәлгән. Барлык кергән акчаның 73,2%ы – физик шәхесләр табышына салым. Район бюджетына ул 155 млн сум күләмендә кергән, узган елга караганда 1,9 млн сумга күбрәк. Әлеге салым (НДФЛ) иң күбе НГДУ предприятиеләреннән кергән - 94 млн сум, шуларның 47 млн сумы урындагы бюджетка күчерелгән. Җир салымы барлык кергән акчаның 7,1%ын тәшкил иткән. Акчага әйләндергәндә бу 15 млн сум, 2017 елга караганда 5 млн сумга күбрәк. Арту ЭВОС предприятеләреннән урындагы бюджетка күчерелергә тиешле процент ставкаларының күтәрелүе белән бәйле.

УСН район бюджетына кергән барлык акчаның 7%ын тәшкил иткән. Ул да 2017 ел белән чагыштырганда 26,2%ка күбрәк. Арту кайбер шәхси эшкуарларның УСНга күчүе, шулай ук «Җылылык челтәрләре», «Волна», «Камводсервис» җаваплылыгы чикләнгән җәмгыятьләре кебек эре «акча кертүчеләрдән» УСНның күбрәк керүе белән бәйле.

НДПУ шулай ук барлык кергән акчаның 7%ын тәшкил иткән. Акчага әйләндергәндә ул - 14,9 млн сум. ЕНВД 3 млн сум күләмендә кергән, бу бары 1,6% кына. Шулкадәр үк - дәүләт пошлинасы, 1,4 млн сум күләмендә Бердәм авыл хуҗалыгы салымы кергән. Бу салымны иң күбе Карман балыкчылык хуҗалыгы түләгән - 835 мең сум. Авыл хуҗалыгы предприятиеләре күпкә артта кала: мәсәлән, «Мир» агрофирмасы» бердәм авыл хуҗалыгы салымын -

135 мең сум, «Заря» хуҗалыгы 100 мең сум түләгән. Шунысы гаҗәеп, әмма фермер Рөстәм Шакиров предприятиеләр түләгән кадәр диярлек – 79 мең сум – түләгән.

Кызганычка каршы, салым буенча бурычлар да бар: 20,5 млн сум. Бу узган ел башы белән чагыштырганда 12 млн сумга күбрәк. Бурычларның 67%ы НДФЛга туры килә. НДФЛ буенча иң эре бурычлылар: «Жилкомсервис» (2,2 млн сум), «Коммунальник» (1,5 млн сум), «Кама» агрофирмасы» (800 мең сум), «Алга» хуҗалыгы (875 мең сум). УСН буенча бурычлар да 1 млн сумга арткан. Биредә «Кама элеваторы» муниципаль унитар предприятиесе һәм шәхси эшкуар Романов. Страховка взнослары буенча бурыч 16 млн сум тәшкил иткән. Иң күп бурыч «УралАгро» җәмгыятендә – 3 млн сум. «Маяк» агрофирмасы»ның – 2 млн сум, «Кама» агрофирмасы»ның взнослар буенча 904 мең сум бурычы бар.