Кама таңнары
+11 °С
Болытлы
Барлык яңалыклар
икътисад
16 август 2019, 11:43

Инвесткомитет Благовещен индустриаль узелын үстерү перспективаларын карады

15 августта Благовещенда Башкортстан Башлыгы вазыйфасын вакытлыча башкаручы Радий Хәбиров "Инвестиция сәгате" форматында Инвестицион комитетның күчмә утырышын уздырды.

Анда Башкортстан Хөкүмәте әгъзалары, профильле министрлыклар һәм ведомстволар, республика үсеш институтлары вәкилләре катнашты.
Утырышта Благовещен районында гамәлгә ашыруга тәкъдим ителгән проектлар каралды.
Республиканың сәнәгать һәм инновацион сәясәт министры Алексей Карпухин билгеләп үткәнчә, район икътисады тотрыклы рәвештә үсә. Беренче яртыеллыкта муниципалитетның сәнәгать предприятиеләре тарафыннан 10 миллиард сумлык товар төяп озатылган, бу узган елның шул ук чоры белән чагыштырганда 1,7 процентка артыграк. Эре инвестицион проектларны гамәлгә ашыру дәвам итә.
Агымдагы елның беренче кварталында шәһәр икътисадына барлык финанслау чыганаклары хисабына 820 миллион сум җәлеп ителгән.
Моннан тыш, "Башкортстан Республикасының үсеш корпорациясе" район хакимияте белән берлектә Благовещен территориясендә индустриаль парк урнаштыру өчен мәйданчык сайлап алды. Парк төзү проекты республиканың өстенлекле инвестпроектлары исемлегенә кертелгән. Кирәкле документларны әзерләү бара.
Инвестицион комитет утырышы барышында "Старшайн Петролиум энд Кемикал Уфа" предприятиесе генеральный директоры Марсель Тимербаев юл битумнарын төрле полимерлар белән баету һәм аларның үзлекләрен яхшырту өчен күчү һәм төргәкләү мәйданчыгын булдыру проектын тәкъдим итте.
Инновацион продукциягә ил базарында гына түгел, ә чит илләрдә, шул исәптән Кытай һәм Индонезиядә дә ихтыяҗ бар. Әмма элек проект белән кызыксынган Кытай инвесторы үз ниятләрен яңадан карады. Башланган төзелешне финанслауның яңа чыганакларын эзләү эшләре бара.
Благовещенда шампиньоннар үстерү буенча тулы цикллы комплекс төзү турында "Мастер Шамп" компаниясе вәкиле Айрат Гыйбадуллин сөйләде. 2,4 миллиард сумлык проект елына 10 мең тоннага кадәр шампиньонлы гөмбә фермасы, шулай ук культивацияләнә торган гөмбәләрне үстерү өчен субстрат ясау өчен компост заводы төзүне күздә тота.
Ферма проекты Моношәһәрләрне үстерү фондында тәкъдим ителде, аның өчен ташламалы кредит алу алдан хупланды. Шулай ук банклар тарафыннан финанслау программаларында катнашу карала.
- Гомумән алганда, без проектка ярдәм итәргә әзер. Энергетика мәсьәләсен хәл иткәннән соң, шулай ук финанслау механизмын сайлагач, моның турында тагын бер кат фикер алышырга тәкъдим итәм, – диде Радий Хәбиров.
"ЮниСтрой" предприятиесе директоры Владимир Павлов косметик һәм текстиль-ярдәмче матдәләр чыгару һәм җитештерү цехын оештыру проектын гамәлгә ашыру барышы турында сөйләде. Эшләрне тәмамлау өчен 80 миллион сумлык инженерлык инфраструктурасын төзүдә ярдәм кирәк.
Башкортстан Башлыгы вазыйфасын вакытлыча башкаручы мондый мөмкинлекне аерым карарга һәм "Инвестиция сәгате" утырышларының берсендә проектны гамәлгә ашыру буенча янә фикер алышырга кушты.
https://kiziltan.rbsmi.ru/articles/ekonomika/investkomitet-blagoveshchen-industrial-uzelyn-ster-perspektivalaryn-karady/
Читайте нас: