Коронавируслы кеше Сибайда ит саткан

Чиләбе өлкәсендә яшәүче коронавирус йөртүче кеше 22 мартта Сибайда Матросов урамы 4нче санлы йорты адресы буенча урнашкан «Воскресный» базарында ит белән сәүдә иткән.

Билгеле булуынча, сатучы моңа кадәр чит илгә барып, кире әйләнеп кайткач, үзен тикшермәгән, ә шунда ук гадәти эшчәнлегенә керешкән. Бүген аның «яңа коронавирус йогышы» дигән диагнозы расланган. Ул Магнитогорскида дәваханәдә ята.

Брифингта бу базарда 37нче урында сатып алган кешеләргә үз-үзләрен тиз арада изоляцияләүне сорап мөрәҗәгать иттеләр. Авыру билгеләре булган очракта табибка мөрәҗәгать итәргә кирәк.

Әлеге сатучыдан азык-төлек сатып алучылар үзләре турында Сәламәтлек саклау министрлыгының кайнар линиясенә хәбәр итәргә тиеш (8 347 286 58 27, 8 347 279 91 20).

Читайте нас в