Авырлысыңмы? “Удаленкага” кит!

Башкортстандагы дәүләт оешмалары барсы да йөкле хатын-кыз хезмәткәрләрен “удаленкага” җибәрергә бурычлы.

Башкортстан Республикасы Башлыгы Радий Хәбиров үткәргән киңәшмәдә башка хатын-кызларны өйдә генә эшләргә җибәрү тәкъдим рәвешендә әйтелде.

Өйдә генә эшләргә мәҗбүр булган хатын-кызларның эш хаклары сакланырга тиеш, диде республика җитәкчесе.

Аңа мондый тәкъдим белән республиканың Сәламәтлек саклау министры Максим Забелин мөрәҗәгать итте.

“Без тагын авыр фазага кердек, - диде Радий Фәрит улы. – Язга караганда авыррак. Без 4 млн. кешенең гомере өчен җавап бирәбез, муниципалитетларга бу эшне оештыруны сорыйм”.

Чыганак: https://omet-rb.rbsmi.ru/articles/koronavirus/Hatin-kizlarni-udalenkaga--ib-r-l-r-505595/

Фото: https://ok.ru/group/54923812405263/topic/151737900339215

Читайте нас: