Алтын туегыз белән котлыйбыз!

Безне, балаларыгызны, җылы ояда, җил-яңгыр тидемичә үстердегез, хезмәтне сөяргә, горур яшәргә өйрәттегез. Бер-берегезгә булган җылы хисләрегез олыгайган көннәрегездә дә югалмасын, иңне-иңгә терәп, ярты гасыр кичергән кебек алга таба да пар канатларыгыз каерылмасын, балалар игелеген күреп озак еллар гомер кичерсәгез иде.

Бәйрәмегез белән котлап,

Әткәй-әнкәй, сезгә дәшәбез.

Һәрчак шулай безгә үрнәк булып,

Пар канатлар булып яшәгез.

Безне кеше итү өчен

Китте бөтен көчегез,

Шуңа да сез безнең өчен

Алтынга тиң кеше сез.

Сезгә язмыш бүләк иткән икән

Бергә-бергә гомер итәргә,

Сикәлтәле тормыш сукмакларын

Җитәкләшеп бергә үтәргә.

50 ел кулга-кул тотынып,

Пар былбылдай тормыш итәсез,

Авыр чакта аумас терәк булып,

Гомер йомгакларын сүтәсез.

Ә без сезгә карап сокланабыз,

Ихтирамлы сезгә карата,

Лаек парларның сез иң гүзәле,

Сезне күңел шуңа ярата.

Нинди бәхет, чәчкә чал керсә дә,

Әти-әни диеп дәшәбез,

Безгә - терәк, оныкларга - шатлык,

Озак-озак тигез яшәгез.