Күңелле «Яңа ел ыгы-зыгысы»

Шушы тылсымлы көннәрне нәкъ туганнарың һәм якыннарың арасында үткәрергә кирәк – үз кулларың белән бүләкләр әзерләргә, чыршы уенчыклары эшләргә, алдагы елга уңай эмоцияләр алырга.

22 декабрьдә «Гаилә» төньяк-көнбатыш районара үзәгенең Краснокама районындагы бүлекчәсе белгечләре яшьләр эшләре буенча комитет белән берлектә 2018 елда соңгы «Яңа ел ыгы-зыгысы» Гаилә ял көнен үткәрде.

Чара программасы буенча каралган осталык дәресләрендә һәркем җаны теләгән нәрсә белән шөгыльләнә алды. Балаларга һәм аларның ата-аналарына уеннарда катнашу, бәйрәмчә бизәлгән фотозонада фотога төшү һәм конкурсларда катнашу мөмкинлеге бирелде. Чарага махсус кунаклар – Кыш Бабай белән Карсылу да килде. Балалар аларга Яңа ел темасына шигырьләр сөйләде. Бәйрәм чарасы чәй табыны артында тәмамланды, балаларның барысына да татлы бүләкләр һәм уенчыклар тапшырылды.