ЙОЛДЫЗЛАР НИ ӨЧЕН КУЯННЫ ЯРАТА?

Мәсәлән, былтыр мон­да Татарстанның атка­занган артисты Нәфкать Нигъмәтуллин, Дилә һәм Булат Нигъмәтуллиннар җырлады. Гыйнвар ба­шында Башкортстанның атказанган артисты Гүзәл Әхмәтова һәм Ил­шат Яппаровның кон­церты үтте.

Февральдә күрше Илеш районыннан чыккан өметле яшь җырчылар абыйлы- энеле Алмаз һәм Айдар Юнысовлар гастрольләр белән киләчәк. Шу­лай ук БР атказанган сәнгать эшлеклесе, ав­тор-башкаручы Ризван Хәкимов үзенең юбилей концертын күрсәтәчәк – быел декабрьдә аңа 60 яшь тула.

Мари мәдәниятен сөючеләрне Римма Ис­ламгалиева, Анастасия Миксонова, Карина Му­сина, Эрвина Байназова һәм гармунчылар Сер­гей Зайнетдинов белән Сергей Байназов соста­вындагы «Канде кава» фольклор төркеме шат­ландырачак.

Февральнең соңгы көнендә куянлыларның мәдәни тормышын та­лынган татар шансо­нын башкаручы Вадим Захаров бизәячәк.

Мартта Илсөя Бәдретдинова Куянга килергә җыена, ул да элекке «шансончы», ә хәзер үзенә ошаган бар­лык матур җырларны да башкаручы.

Куянда концертлар­га хаклар шәһәргә ка­раганда арзанрак – 250 сумнан алып 350 сумга кадәр. И.Бәдретдинова гына үзенең концертын 500 сумга бәяләгән.

Район үзәге дә бул­маган әлеге авылга йолдызларның «агы­луы» аңлашыла – биредә халык сәнгатьне ярата һәм концертларга ак­тив йөри. Өстәвенә, шартлары да бар: менә дигән мәдәният йор­ты, 300 урынлык тама­шачылар залы, уңайлы сәхнәсе. Башкаручыга та­гын нәрсә кирәк? Авыл клубымы ул яисә шәһәр мәдәният йортымы, аны­сы мөһим түгел – тама­шачылар булсын һәм концертын яратсын­нар гына.