«Киләчәккә билет» фестивале

29-31 октябрьдә ВДНХ-ЭКСПО мәйданчыгында "Киләчәккә билет" дип исемләнгән һөнәрләр фестивале узды.

Һәр катнашучыга өч сәгать дәвамында, экспертлар ярдәме белән кейс биремнәрен үтәү аша, "һөнәрләрне куллары белән тотып карау" мөмкинлеге бирелде. Укучыларга бүген үсеш алган һөнәрләр белән бәйле 8 тематик юнәлеш бирелде. Болар: «Медицина һәм сәламәтлек», «IT һәм коммуникацияләр», «Җитештерү, эшкәртү һәм материаллар», «Авыл хуҗалыгы һәм табигатьтән файдалану», «Хәвефсезлек», «Хезмәтләр, тукландыру һәм туризм», «Төзелеш һәм шәһәр мохите», «Энергетика һәм нефть-газ эше».

Фестиваль кысаларында проект педагоглары белемнәрен арттырды, профессиональ ориентлашу буенча эшнең яңа алымнарын үзләштерде.