БЫЕЛ УК КҮЧЕП БУЛАЧАК

Русия президенты Владимир Путин Федераль Җыелышка Юлламасында башлангыч сыйныфта уку­чыларны бушлай ашату тәкъдимен кертте. Һәм әлеге яңалыкны инфраструктура мөмкин иткән урыннар­да - 2020 елның 1 сентябреннән үк, ә мөмкин булма­ган урыннарда 2023 елдан кертергә тәкъдим итте.

Мәгариф бүлеге начальнигы Илдус Хафизов опера­тив киңәшмәдә, безнең районда мәктәп туклануы инфраструктурасының моңа мөмкинлеге бар, шуңа күрә президентның әлеге кушуын быел ук үти ала­быз, дип белдерде. Мәктәп ашханәләре аутсорсинг­ка тапшырылган иде, бу эш бездә җайга салынган инде, аутсорсер шул еллар эчендә ашханәләрне ак­тив җиһазландырды, искеләрен яңартты.

Бездә башлангыч сыйныфларда барлыгы 1177 уку­чы исәпләнә. Аларны бушлай ашату өчен 6,4 млн сум акча кирәк. Алар өч чыганактан - федераль, төбәк, урындагы бюджетлардан бүленәчәк.