Осталыкларын күрсәтәләр

17-18 март көннәрендә балалар бакчаларында «Мәктәпкәчә белем бирү оешмасының ел укытучысы-2020» район конкурсының икенче туры узды. Конкурсантлар балалар белән педагогик чара үткәрделәр һәм шуңа анализ ясадылар.

Шунысы үзенчәлекле, конкурста катнашучылар чараларны үзләренең төркемнәрендә һәм балалар бакчасында үткәрми, ә барысын да жирәбә хәл итә.

Мондый конкурс беренче тапкыр үткәрелә. Өченче турда педогоглар «Педагог табыш» темасына чыгыш ясаячак һәм осталык дәресе үткәрәчәк.

Конкурста Николо-Березовкадагы 1нче, 3нче, 18нче, Куян һәм Яңа Бура авыллары балалар бакчаларыннан тәрбиячеләр, музыкаль җитәкчеләр, физкультура буенча инструктор катнашалар.