Ябыгасың килсә, шушы салатны аша

Белгечләр фикеренчә, “Себерке” салатын ашап, 4 килога ябыгырга була. Әмма бу салатны 2 көннән артык ашау матдәләр алмашыну процессы бозылуына китерәчәк.

Ризыкка кергән компонентлар эчәклекне чистарта, организмга тонус бирә, аны токсин һәм шлаклардан арындыра, метаболизм эшен тизләтә. Шуңа күрә салатның исеме дә - себерке, ул, барлык зыянлы матдәләрдән чистартып, организмны себереп чыгаргандай итә. Аны ашаганда эчү режимын үтәү һәм физик нагрузкалар белән шөгыльләнү (мәсәлән, тиз йөрү, йөгерү, зарядка ясау) киңәш ителә.

Салат өчен кирәк булачак:

- Тозлы (квашеная) кәбестә – 300-350 гр;

- кишер – 1 данә;

- уртача зурлыктагы кызыл чөгендер – 1 данә;

- сельдерей – 100 гр;

- укроп орлыгы, тоз – тәменчә;

- лимон суты – 10 гр.

Әзерләү:

Тәүдә яшелчәләрне саламлап турыйбыз, тозлы кәбестәне юабыз, аннары барлык яшелчәләрне тирән савытта болгатабыз.
Тоз, 1 чәй калагы лимон суты өстибез, зәйтүн мае салабыз, өстенә укроп орлыгы сибәбез.

Шушы массаны яхшы итеп бутыйбыз – салат әзер!

Әгәр салатны организм арына торган (разгрузочный) көннәрдә ашасаң, аны 2 көн дәвамында тәүлегенә 3 тапкырдан да артык куллану киңәш ителми. Кем әйтмешли, чама хисен онытмыйк.

Салатны шулай ук башка ризыклар белән кушу да киңәш ителми, югыйсә нәтиҗәсе булмаячак.

Чыганак: "Өмет" гәзите.

Читайте нас: