Эстафетаны Курый авыл биләмәсенә тапшырдылар

Тантаналы чара Бөек Ватан сугышында һәлак булганнар хөрмәтенә Редькино авылында куелган обелискка веноклар салудан башланды. Обелиск ике өлештән тора: беренчесендә сугыш кырларында ятып калган якташларның, икенчесендә Җиңү белән кайтучыларның исем-фамилияләре язылган. Кызганычка каршы, вакыт аяусыз һәм бүген Куян авыл биләмәсендә бер генә исән сугыш ветераны да юк. Ә бит фронтка 452 кеше киткән һәм шуларның 118е генә кайткан.

Редькино авылында туып үскән отставкадагы подполковник Григорий Умурбаев Совет Армиясендә хезмәт иткән елларын искә төшерде. Ә аның искә алырлык вакыйгалары күп! Ул 30 елга якын гомерен Кораллы көчләрдә хезмәт итүгә багышланган. Хезмәте буенча аңа Бөек Җиңүнең 30 еллыгын – Германия Демократик Республикасында, ә 40 еллыгын Польша Халык Республикасында каршы алырга туры килгән.

Арытаба бәйрәм Куян авылы мәдәният йорты сәхнәсендә дәвам итте.