Коронавирусның беренче билгеләре нинди?

Төп билгеләре: ютәл, тән температурасы күтәрелү, тын кысылу, бизгәк тоту, баш авырту. Моннан тыш йөз һәм иреннәр зәңгәрләнеп китү, күкрәк читлегендә басым, даими авыртулар, борын тыгылу, мускуллар авырту, конъюктивит күзәтелергә мөмкин. Кайсыбер очракларда ашказаны-эчәк авырулары да башланырга ихтимал.

Әлбәттә, мондый билгеләр кискен респиратор вируслы инфекцияләрнең күбесенә хас. Шуңа кичекмәстән табиб ка күренергә кирәк, чөнки коронавирустан соң өзлегүләр куркыныч. Катлаулануларның иң киң таралганы – вируслы пневмония.

Соңгы мәгълүматлар буенча, бүген Русиядә 147 кеше коронавирус йоктырган дип исәпләнә.

Дөнья буенча бу сан 200 меңнән артып киткән. Әлеге чир аркасында 8 меңнән күбрәк кешенең гомере өзелде. Коронавирус барлыгы 159 илдә теркәлгән.

Фото: Башинформ