Оптимизм кубогы өчен көрәштеләр

Аны «Оптимист» ир-атлар клубы белән берлектә «Прикамье» физкультура-сәламәтләндерү комплексы оештырды. Чакырулар төньяк-көнбатыш төбәкнең биш районына һәм өч шәһәренә җибәрелгән иде, ләкин ярышка 5 кенә команда килде. Барлыгы илле яшьтән узган 40тан артык спортчы ктанашты. Ир-атлар ике җиңүгә кадәр өч партия уйнады. Нәтиҗәдә «Оптимизм кубогы»на Нефтекама шәһәренең «Илһам» командасы ия булды.

Краснокамалылар алардан бер генә очкога калышты, ә Калтасы районы пенсионерлары өченче урында булды.

Турнир ел саен үткәрелер һәм анда тагын да күбрәк командалар катнашыр дип ышанабыз.