Барлык яңалыклар
Спорт
15 декабрь 2019, 23:30

Яшьләр спартакиадасының соңгы этабы

Бүген Николо-Березовка авылында яшьләр эшләре буенча комитет призына авыл биләмәләре арасындагы Яшьләр спартакиадасының соңгы этабы үтте.

Ярышларда 10 авыл биләмәсе катнашты. Яшьләр дартс, йөзү һәм ату буенча көчләрен сынады.
Ату буенча Николо-Березовка авыл биләмәсе беренче урынны яулады. Икенче урында – Курый, өченче урында Яңа Бура биләмәләре булды.
Дартс буенча урыннар түбәндәгечә бүленде: беренче урын – Курый, икенче урын – Куян, өченче урын Николо-Березовка авыл советларына бирелде.
Йөзү буенча николо-березовкалыларга тиңнәр булмады, икенче урында – Яңа Каенлык, өченче урында Яңа Бура авыл советлары булды.
Ел азагында Спартакидага йомгак ясалачак, һәм 5 авыл советы спорт инвентаре һәм формалары алу өчен сертификатлар белән бүләкләнәчәк.
Фото: Районның Яшьләр сәясәте сайтыннан.
Читайте нас в