ДИМА ЕГОРОВ ИСТӘЛЕГЕНӘ

Район мәктәпләреннән биш команда районның иң яхшы командасы исеменә ярышты. Турнирда катнашучыларны котларга Дима Егоровның әнисе Раиса Олегов­на килде. Аның иганә ярдәме белән ярышларда катнашучылар истәлекле бүләкләр һәм «Спартак» спорт берләшмәсе символикасы төшерелгән бүләкләр алды, җиңүчеләр һәм призерларга медальләр тапшырылды.

"Мини-футбол буенча мәктәпләр арасында иң яхшы команда дип Куян мәктәбе спортчылары танылды. Икенче урынны Арлан интернат-мәктәбе укучылары алды. Өченче урында - Николо-Березовка мәктәбе уенчылары", - дип яза Зөлфия Чикирева, укыту-тәрбия эше буенча директор урынбасары.