КРАСНОКАМА СПОРТЧЫЛАРЫ СЫНАТМАДЫ

Шушы көннәрдә Красноусольский авылында спорт туризмы буенча Башкортстан Республикасы чемпионаты узды.

рышларда 14 командадан 117 кеше катнашты. Алар “бәйләм” һәм “төркем” дисциплиналарында ярышты.

Шәхси хисапта “бәйләм” дисциплинасында Анастасия Шерстобитова һәм Вера Исмәгилова беренче урынны алдылар.

“Төркем” дисциплинасында Марсель Низаметдинов, Илшат Гәрәев, Александр Шамратов, Евгений Раяновтан торган команда икенче урынга чыкты. Шушы ук төр ярышта Анастасия Шерстобитова, Илүзә Габдрахманова, Анастасия Крапивина, Зөлфия Чикиревадан торган кызлар командасы, ярышларның хуҗаларына гына бирешеп, шулай ук икенче булды.

Гомум хисапта Краснокама районы командасы көмеш призер булды.

Римма Килина, «Геркулес» үсмерләр клубы педагогы

Читайте нас: