Николо-Берёзовкада беренче светофор куелды

Әмма ул, кайберәүләр уйлаган­ча, тиз генә эшләнә торган эш түгел. Николо-Берёзовка авыл биләмәсе башлыгы ким дигәндә ярты ел шушы светофор артын­нан чабулады. Һәм менә, ниһаять, эшләр тәмамланды.

Светофор­ны кабызырга бергәләп бардык. Төймәгә басып, юлны аркылы чыгып карадык. Бары да яхшы, эшли. 1 сентябрьгә балаларны көтәсе генә калды. Әйткәндәй, биредә автобус тукталышы да кордылар.