Сталинград сугышы турында белемнәрен тикшерделәр

Арлан авылы китапханәсендә яшьләр эшләре буенча белгеч китапханәче белән берлектә Сталинград сугышының 76 еллыгына багышланган квест оештырдылар.

Квестта катнашучылар Сталинград сугышының геройлары һәм вакыйгалары турындагы сорауларга җавап бирде. Һәр команданың бурычы биремнәрне тиз генә үтәп баллар алу һәм алдагы сорауларга җавап бирү иде. Егет һәм кызлар төрле этапларда логик, тарихи һәм математик биремнәрне чиштеләр.