Иң яхшыларны бүләкләделәр

Николо-Березовка мәктәбе базасында «Мәгарифтәге уңышлар» исеме астында тантаналы чара үтте. Бу район мәктәпләре укучыларын – бөтенрусия, республика конкурсларында, фәнни-гамәли конференцияләрендә җиңүчеләрне һәм аларның педагогларын - бүләкләү тантанасы булды.

Тантанага районга һәм үзенең мәктәбенә дан һәм мактау китергән укучылар һәм укытучылар чакырылды. Чарада катнашучыларны район мәгариф бүлеге начальнигы Илдус Хафизов котлады. Ул укучыларның бүгенге уңышы – укучылар һәм укытучыларның тырыш хезмәтләре нәтиҗәсе булуын билгеләде. Илдус Идерисович барлык катншаучыларга да тырышлыклары, белем һәм тәрбия бирүгә иҗади караулары өчен рәхмәт белдерде.

Шулай ук бүләкләү тантанасында районның «Бердәм дежур-диспетчер хезмәте» муниципаль бюджет учреждениесе начальнигы Салават Фәттахов, район Советы депутаты Рима Фабер чыгыш ясадылар.

Текст һәм фото: krasnokamaroo.ru сайтыннан.