+28 °С
Болытлы
Новости
6 март 2019, 10:37
Солдатлар булып атладык әле без дә!
Николо-Березовка мәктәбендә строй һәм җыр смотры узды.
Бик күп бәйрәмнәр арасында 23 февраль – Ватанны саклаучылар көне аерым урын алып тора. Аның атамасына ук Туган илеңне һәм халкыңны яклау бурычы салынган. Бу – чын ир-егетләр бәйрәме.
Николо-Березовка мәктәбендә узган строй һәм җыр смотры да шушы бәйрәмгә һәм совет гаскәрләрен Әфганстаннан чыгаруга 30 ел тулуга багышланды.
Башкортстан Республикасы һәм Русия Федерациясе флагларын күтәрү хокукы 9Б сыйныф укучысы Полина Соломенникова һәм 10 сыйныф укучысы Денис Хәйбрахмановка бирелде. Укучыларны бу көнне уктыту-тәрбия һәм тәрбия эше буенча директор урынбасаралары Р.Дәүләтколова, Л.Шәйгарданова, Әфганстанда хәрби хәрәкәтләрдә катнашкан ветеран А.Ихаитдинов, Әфганстанда хәрби хәрәкәтләрдә катнашучы, интернационалист яугирләрнең район советы рәисе Н.Зикрин сәламләделәр һәм котладылар. Бүләкләү өчен сүз отставкадагы подполковник, Әфганстанда хәрби хәрәкәтләрдә катнашучы Р.Гәйнуллинга бирелде.
