Халык саны кими

Районнан халыкның китүе дәвам итә. Без бары 26554 кеше генә калдык, бу узган елның шушы чорына караганда 659 кешегә күбрәк.

Халык саны табигый кимү исәбенә азая, әмма биредә саннар зур түгел. Мәсәлән, балалар 8 кешегә азрак туган (63 бала туган). Үзәк район дәваханәсенең баш табибы Фәгыйть Бәдретдинов билгеләвенчә, соңгы биш елда районда туучылар саны 27%ка кимегән. Үлүчеләр саны 20%ка кыскарган. Дүрт айда 114 кеше бакыйлыкка күчкән. Шуларның 59ы – ир-атлар, 55е – хатын-кызлар. 35 кеше - кан әйләнеше системасы, 21 кеше - нерв системасы, 13 кеше сулыш алу органнары авыруларыннан үлгән.

Үлүчеләрнең яртысы (28 ир-ат һәм 28 хатын-кыз) - эшкә сәләтле яшьтә. Бер яңа туган бала онкогематологиядән үлгән, бер үсмер үз-үзенә кул салган.