Башкортча диктант язачаклар

«Башкорт телендә сөйләшәм, башкорт телендә язам» девизы астында 18 майда Халыкара башкорт теле һәм әдәбияты буенча диктант язу оештырылачак. Һәм анда безнең район укучылары да актив катнашачак.

Диктант БР Башлыгы карарына ярашлы үткәрелә һәм башкорт телен пропулярлаштыруга һәм халыкның грамоталалылыгын күтәрүгә юнәлтелгән. Диктант язу ирекле һәм бушлай.

Безнең районда диктант язу өчен 10 мәйданчык билгеләнгән. Болар – Куян, Николо-Березовка, Яңа Нугай, Яңа Кабан, Иске Мошты, Иске Янъегет, Яңа Актанышбаш, Яңа Каенлык, Саузбаш һәм Яңа Бөртек авыллары.

Башкорт теле буенча диктантны теләгән һәркем, аны үткәрү мәйданчыгына яисә мәгълүмат-коммуникация челтәре аша мөрәҗәгать итеп, яза ала.