Футбол уйнадылар

Арлан авылында балалар өчен төрледән-төрле ярышлар, конкурслар, чаралар үткәрелеп кенә тора. Бу юлы яшьләр белән эш буенча белгеч Любовь Шамратова малайларны мини-футболга чакыра.

Малайлар «Спартак» һәм «Чемпионнар» командаларына бүленә. Ике команда да бик тырышып уйнасалар да, 3-2 исәбе белән «Спартак» җиңеп чыга.

Азакта уенда катнашучы һәркемгә татлы бүлкәләр таратыла.