Яшьләр тавыш бирә

Тавыш бирү кабиналары янында чират тезелә. Яшьләр дә, эшләүчеләр дә, пенсионерлар да бар.

Ләйсән Сабирҗанова беренче тапкыр тавыш бирә. Абыйсы Алмаз белән килгәннәр. Ләйсән – Нефтекама нефть көллиятендә, Алмаз Әлмәт дәүләт институтында укый.

- Беренче тапкыр сайлауга килдем, - ди Ләйсән. – Бераз каушадым. Республика Башлыгын сайлауда минем тавышымның да исәпкә алынуына шатмын.

Әйткәндәй, Алмаз һәм Ләйсәннең әнисе Зимфира Дөфәровна – яшьләр тавыш биргән участок сайлау комиссиясе әгъзасы.

Комиссия рәисе Резеда Әмирова әйткәнчә, сәгать дүрткә 202 сайлаучының 146сы килгән.